Се известуваат жителите на Општина Кисела Вода дека во периодот од 01.09.2019 година до 30.09.2019 година ќе имаат можност да аплицираат за субвенции и поддршка на енергетски ефикасни домови за станбени згради за колективно домување.

Во прилог на известувањето се и критериумите по кои жителите на Општина Кисела Вода ќе можат да ги приложат своите апликации во горенаведениот период од 30 дена.

Субвенционирањето и поддршката ќе се врши со средства од Буџетот на Општина Кисела Вода 2019 година од Програмата Г1, наменети за инвестиции во енергетска ефикасност на станбени згради за колективното домување, а врз условите и  критериумите дадени во овој јавен повик.

1.  Предмет на јавниот повик кој ќе се спроведе во горенаведениот период од 30 дена е субвенционирање и поддршка на Заедници на сопственици или овластени Управители станбени згради за колективното домување во Општина Кисела Вода за инвестиции со мерки за енергетска ефикасност на згради за колективното домување во делот на:

2.  Термоизолација на надворешни ѕидови со термоизолационен материјал со дебелина д = 10 см и коеф. на топлинска спроводливост λ < 0.04 (W/mK)

3.  Замена на надворешни прозори и балконски врати со енергетски ефикасни прозори и врати со Uw < 1,4 (W/м2К) односно стакло пакет од две стакла (надвор флот и внатре нискоемисионо стакло) со Ug < 1,1 (W/m2K) и рамка со Ufr < 1,4 (W/m2K)

Субвенционирањето ќе биде поддржано со финансиски средства од буџетот на општина Кисела Вода, Програма Г1, во висина од 30%, од вкупниот износ на вредноста на инвестицијата за секоја одобрена апликација.

4.  Право на учество на јавниот повик ќе имаат сите Заедници на сопственици или Управители на станбени згради за колективно домување во Општина Кисела Вода кои се евидентирани во регистарот на станбени згради во општина Кисела Вода и немаат долгови, како Заедници на сопственици или Управители, како и други долгови и финансиски обврски.

5.  Услови и критериуми за учество на јавниот повик кои треба да бидат целосно исполнети од страна на потенцијалните корисници за субвенционирање се следниве:

-  Да се регистрирани како Заедници на сопственици или имаат Управители согласно Законот за домување за што доставуваат решение од Централен регистар или договор со Управител кои се евидентирани во Регистарот на Заедници на сопственици кој го води општина Кисела вода, и да немаат долгови, како Заедници на сопственици или Управители и други финансиски обврски.

-  Станбена зграда да е на територија на општина Кисела Вода

-  Зградата да е колективна станбена зграда А2 со повеке од 2 ката

-  Зградата да е изградена пред 2010 година

-  Минимум 80 % од сопствениците на станови да ги прифатат условите на субвенционирање,кредитирање и предметот на енергетска обнова

-  Одлука од Заедница на станарите или преку овластен Управител за реновирање на зградата за колективно домување односно воведување на мерки за енергетска ефикасност.

-  Имотен лист со кој се докажува сопственоста,

-  Сопствениците на станови да се согласни да дозволат анкетирање, мерења за изработка на техничка документација и  промотивни активности на нивната зграда/стан.

6.  Потребни документи за аплицирање/пријавување

-  Пополнета Апликација – образец, потпишан/а од претседателот на заедница на сопственици или управителот,

-  Листа со потписи на сопствениците на станови за учество во проектот,

-  Копии од сметки (фактури) за потрошена топлинска енергија за претходната година од минимум 3 стана

-  Решение од Централен регистар за Заедници на сопственици или Договор со Управители,

-  Доказ за сопственост (имотен/и лист/ови).

7.  Начин и рок на доставување на пријавите

Апликацијата за проектот „енергетски ефикасни домови“ во Општина Кисела Вода може да се подигне во Архивата на Општина Кисела Вода или од официјалната веб страница на Општина Кисела Вода: www.kiselavoda.gov.mk

Пријавите треба да се достават до Општина Кисела Вода, преку пошта на адреса: ул. Петар Дељан бр.17, 1000 Скопје, или во Архивата на Општина Кисела Вода најдоцна до 30.09.2019 година до 15:00 часот на последниот ден од завршувањето на Јавниот повик, со назнака:

Јавен повик за субвенционирање и поддршка со проектот „енергетски ефикасни домови“во Општина Кисела Вода.

Пријавите се доставуваат во затворен и запечатен коверт, без означување на субјектот кој ја поднесува пријавата.

Неуредните апликации/пријави кои не се доставени на начин како што се бара во горенаведениот текст, односно кои содржат нецелосни податоци и некомплетна документација, како и оние кои нема да бидат доставени во наведениот рок, нема да се разгледуваат.

Дополнителни информации може да се добијат на телефон: 070487470 и 072229929 одговорните лица за спроведување на јавниот повик, или на следнива е-маил адреса: Оваа е-адреса е заштитена од спамботови. Треба да ви е овозможено JavaScript за да ја видите.  и Оваа е-адреса е заштитена од спамботови. Треба да ви е овозможено JavaScript за да ја видите.