Денес основното училиште Кирил Пејчиновиќ во општина Кисела Вода го прослави патрониот празник.
На свечната прослава учениците од сите одделенија на оваа училиште пред присутните се претставија со богата програма сочинета со драма, музички и ритмички точки.
Одбележувањето на 72-рата година од постоењето на училиштето се одвива веќе една недела со различни активности.
Во текот на оваа недела се одржа натпревар по математика и англиски јазик, за кои на најдобрите им беа доделени дипломи за прво, второ и трето место како и пофалници за останатите учесници.
Во текот на вчерашниот ден се одржа и изложба на ликовни и литературни творби на која на најдобрите им беа доделени дипломи и пофалници. 72-рата година од постоењето, ова основно училиште од општина Кисела Вода ја одбележа и со пуштање на нова веб страна која секојдневно се ажурира. Оваа нова веб страна може да се отвори на следниот линк http://www.kirilpejcinovic.edu.mk/.
Во ООУ Кирил Пејчиновиќ годинава настава посетуваат вкупно 920 ученици.