Овој викенд повеќе спортски настани во Кисела Вода

Рејтинг на корисник:  / 0
НајлошоНајдобро 

Љубителите на спортот во сабота и недела во Кисела Вода ќе имаат можност бесплатно да проследат повеќе спортски настани.

Утре во рамки на пионерската машка ракометна лига во спортската сала „Архиепископ Доситеј“ силите на теренот ќе ги одмерат младите ракометари од екипите на РК Металург Јуниор и РК Аеродром. Почетокот на натпреварот е во 13:00 часот.

„Мило е што по пауза од две години го вративме Металург Јуниор на македонската ракометна мапа. Стартувавме со натпреварување во првата македонска лига, но се надевам дека ќе успееме да се пласираме во Супер лигата. Би сакал да се заблагодарам на општината која ја препознаа оваа добра идеја за повторно да почнеме да создаваме млади репрезентативци, да им обезбедиме на младите ракометари, добри услови за работа и за напредок“ - изјави Ристо Чокрев, претседател на Металург Јуниор.

Воедно, утре во спортската сала „Независна Македонија“ младите кошаркари од КК Ангели од Кисела Вода ќе одиграат два кошаркарски натпревари. На првиот натпревар кој е со почеток во 13:00 часот силите на теренот ќе ги одмерат екипите на КК Ангели - Кисела Вода и КК Овче Поле - Свети Николе. Натпреварот е во рамки од втората кошаркарска лига.

Додека, младинците од КК Ангели - Кисела Вода во 15:00 часот ќе играат со екипата на Партизан Водно Санс. На овој натпревар младите кошаркари од Кисела Вода ќе ги вложат сите напори да се искачат на шестото место на табелата од првата младинска лига.

Покрај овие натпревари, во недела во спортската сала „Независна Македонија“ од 11:00 до 17:00 часот ќе се одржи Државно првенство во Џудо. Истиот ден од 10:00 до 15.00 во спортската сала „Архиепископ Доситеј“ ќе се одржи и меморијален карате турнир „Димче Кичевски“.

 

Додај коментар


Линкови 2

NewsLetter

Внесете ја вашата email адреса за да добивате новости.


FacebookTwitterLinkedin

Twitter Новости

O_KiselaVoda Утре неколку улици во Кисела Вода без струја https://t.co/AQqU1H1dSo
26mreplyretweetfavorite
O_KiselaVoda Во Општина Кисела Вода извлечена ждрепка за претстојниот Куп „Св. Ѓорѓи“ https://t.co/58wbgUprGi
4hreplyretweetfavorite
O_KiselaVoda Општина Кисела Вода го одбележа Денот на водата https://t.co/G48u75amUn
9hreplyretweetfavorite