Утре во Општина Кисела Вода во организација на НВО „Зелен институт“ ќе се одржи јавна дебата на тема: План за комуникација и кампања против диво депонирање на отпад.
На оваа јавна дебата ќе се обратат, градоначалникот на Општина Кисела Вода, Филип Темелковски, Наташа Амдиу, претседател на НВО „Зелен институт“ и Христина Оџаклиеска, член на Советот на општината. На истата можат да присуствуваат сите заинтересирани граѓани.
Настанот ќе се одржи со почеток во 10:00 часот во барака бр.7. Истиот е поддржан од страна на Општина Кисела Вода и Министерството за животна средина и просторно планирање.