Екипата на ЖКК „Бадел 1862“ од Кисела Вода во Германија го победи Нирнберг

Рејтинг на корисник:  / 1
НајлошоНајдобро 

Девојките на ЖКК „Бадел 1862“ од Кисела Вода изминативе неколку дена на покана на  женскиот кошаркарски клуб „ Post SV Nürnberg“ престојуваа во Нирнберг, Германија.

На ова гостување кое се реализира во рамки на одлично воспоставената соработка на градовите Скопје и Нирнберг, кошаркарките од двата клуба се запознаа, заедно тренираа и разменија искуства. Тие разговараа и за нивните досегашни спортски успеси, нутриционизам, политика и култура. Девојките  одиграа и пријателски натпревар, на кој кадетската селекција на ЖКК „Бадел 1862“ го победи тимот од Нирнберг, со резултат од 87-69.

Покрај ова, баделки заедно со тим менаџерот, Љупчо Павловски остварија средба со градоначалникот на Нирнберг, др. Клеменс Геселл. На оваа средба, за одличниот прием и гостопримство на спортските екипи од Скопје во Нирнберг на градоначалникот Геселл од страна на Павловски му беше врачена Благодарница од градоначалникот на Град Скопје, Петре Шилегов.

-Овој престој во Нирнберг е драгоцено искуство за нашиот клуб, пред се за кошаркарките и тренерите, затоа што сите активности беа спроведени заеднички, тренинзите ги обавуваа тренерите од двете екипи, се запознавме со начинот на организација и функционирање на спортот во Нирнберг, го посетивме нивниот фитнес центар, се одржаа и неколку  едукативни предавања за правилата на 3X3 streetball, нутрицинизмот во спортот, како и многу други активности. Воедно, се договоривме наредната година да го возвратиме нивното гостопримство во Македонија со организирање на заеднички кошаркарски камп. – изјави Љупчо Павловски , тим менаџер на ЖКК „Бадел 1862“.

Воедно, продолжува победоносната серија на баделки во сите категории на натпреварувања. Изминатиов викенд сениорската екипа на ЖКК „Бадел 1862“ во рамките на првата женска кошаркарска лига на гостувањето во Делчево извојува висока победа против ЖКК „Патриот“ со 125-36. Додека, на домашен терен во рамките на Кадетската лига М16, кошаркарките на ЖКК „Бадел 1862“ ја надиграа  екипата на ЖКК Гостивар со резултат од 88-50. Во досегашните одиграни натпревари ЖКК „Бадел 1862“ не е поразен.

Додај коментар


Линкови 2

NewsLetter

Внесете ја вашата email адреса за да добивате новости.


FacebookTwitterLinkedin

Twitter Новости

O_KiselaVoda Општина Кисела Вода и ЈП „Комунална хигиена“ собраа 30 тони кабаст отпад и електронска опрема https://t.co/HWUSpfKZaK
22hreplyretweetfavorite
O_KiselaVoda Голема еколошка акција се спроведе во Кисела Вода https://t.co/jzhPIsPtgD
O_KiselaVoda Во организација на Сојузот за училишен спорт на Општина Кисела Вода се одиграа финалните кошаркарски натпревари https://t.co/ykOVQLsRmx