Новости

“Здрави навики-здраво бебе” во општина Кисела Вода

Рејтинг на корисник:  / 1

Одделението за предучилишно воспитување на општина Кисела Вода организира серијал на стручни предавања на тема  “Здрави навики-здраво бебе”.  Првото е закажано за денес, во периодот од  17 часот до 18 часот и 30 минути во објектот Пеперутка 1, при  ЈДГ “ 8 Март”.

За стекнувањето на здрави навики при одгледувањето на децата од нивната најрана возраст кои ќе овозможат нивен правилен раст и развој, ќе говори д-р специјалист педијатар Валентина Стевиќ од  Детската клиника Козле . На работилницата учество ќе можат да земат родителите и негователите од  ЈДГ ” 8 Март” кои ќе имаат можност да се информираат и советуваат околу исхраната, имунолошкиот статус , правилниот избор на музика и играчки во правилниот развој на детето и сите други прашања кои ги засегаат. Предавањата се бесплатни и се организирани со следниот распоред:

06.03.2014 (четврток),  објект Пржино,  ЈДГ ” 8 Март”

11.03.2014 (вторник), објект Сончоглед,  ЈДГ ” Весели Цветови”

14.03.2014 (петок), објект Синоличка, ЈДГ ” Весели Цветови”, сите во период од 17часот до 18:30 часот

Технички превид во член 89, врзан со одгледувањето миленици-истиот ќе се отстрани!

Рејтинг на корисник:  / 5

Ве известуваме дека е направен технички превид во врска со делот од член 89 од одлуката за комунален ред на Советот на Општина Кисела Вода во врска со одгледувањето на домашните миленици во колективните згради. Дека се работи за превид, говори и фактот што досега на територија на општина Кисела Вода не е постапено по ниту еден случај, односно не е изречена ниту една казна согласно овој член од одлуката. Превидот ќе биде исправен на првата следна седница на Советот на општината, а дотогаш општинските инспектори нема да постапуваат по него.

Нови 60 ваучери за новороденчиња од општина Кисела Вода

Рејтинг на корисник:  / 2

Нови 60 семејства од Кисела Вода со принова денес добија еднократна парична помош од општината. Ваучерите во вредност од 6000 денари кои градоначалникот на општината Билјана Беличанец Алексиќ денес ги доделуваше по осми пат, на месечна основа, значат скромен поттик и стимул за семејствата сериозно да размислуваат и да се одлучат за зголемување на бројот на деца.

Повеќе: Нови 60 ваучери за новороденчиња од општина Кисела Вода

Покана до медиуми

Рејтинг на корисник:  / 0

Во сабота, (01.03.2014), во големата сала на општина Кисела Вода, со почеток во 10:00 часот, градоначалникот Билјана Беличанец – Алексиќ ќе додели ваучери за еднократна парична помош на 61 семејствo со новороденчиња од општината.

Повеќе: Покана до медиуми

Поликлиника Драчево доби РТГ Кабинет

Рејтинг на корисник:  / 2

Од денес, во поликлиниката Драчево почнува со работа РТГ кабинет. Во употреба денес го пуштија градоначалникот на општина Кисела Вода Билјана Беличанец Алексиќ заедно со директорот на ЈЗУ “Здравствен Дом Скопје” др.спец.Татјана Баевска Вучковиќ .

Повеќе: Поликлиника Драчево доби РТГ Кабинет

Линкови 2

NewsLetter

Внесете ја вашата email адреса за да добивате новости.


FacebookTwitterLinkedin

Twitter Новости

O_KiselaVoda Табли со предупредување на изворите со небезбедна вода за пиење https://t.co/NgZkQAUlUp
19hreplyretweetfavorite
O_KiselaVoda Честит Рамазан Бајрам на сите граѓани од исламска вероисповед https://t.co/8KqTnkD4cF
O_KiselaVoda Денес дел од Припор без вода https://t.co/I9YMpxbap9