Петар Ренџов и Тумбао Салса Бенд со концерт на културното лето

Рејтинг на корисник:  / 0

По одличниот концерт на групата ДНК во населбата Црниче, културниот бран утревечер (05.07.2013) ќе се пресели во паркот “Македонија”, каде со почеток во 21:00 часот, целовечерен концерт ќе одржат Петар Ренџов и Тумбао Салса Бенд. Овие добропознати македонски уметници веќе 10 години ја практикуваат кубанската музика, која го симболизира морето, убавата храна, добриот пијалок, кубанските пури и убавите жени.

Музиката која утревечер ќе ја презентираат е микс помеѓу македонската и кубанската традиционална музика.

Влезот за граѓаните ќе биде бесплатен.

Градоначалникот Трајановски во работна посета на Општина Кисела Вода

Рејтинг на корисник:  / 5

Денеска во просториите на Општина Кисела Вода се одржа средба на службите на Градот Скопје и на јавните претпријатија на Град Скопје со урбаните и месните заедници од Општина Кисела Вода, каде присуствуваа градоначалниците на градот Скопје и Општина Кисела Вода, Коце Трајановски и Билјана Беличанец-Алексиќ.

На средбата присуствуваа и претседателот на Советот на Општина Кисела Вода, Трајче Донев, директорите на јавните претпријатија на Градот Скопје и надлежните на пунктовите во Општина Кисела Вода, раководителите на секторите на администрацијата на Градот Скопје и Општина Кисела Вода, како и претставници од сите урбани и месни заедници од Општина Кисела Вода.

Повеќе: Градоначалникот Трајановски во работна посета на Општина Кисела Вода

Средба со урбани и месни заедници во Општина Кисела Вода

Рејтинг на корисник:  / 0

  Утре  04.07.2013 година, четврток/ во 11 часот во бараките на Општина Кисела Вода, ќе се одржи средба на јавните претпријатија на градот Скопје и градската администрација со претставници на урбаните и месните заедници на Општина Кисела Вода.

На средбите ќе присуствуваат и градоначалниците на Град Скопје и Општина Кисела Вода, Коце Трајановски и Билјана Беличанец-Алексиќ.

Концерт на ДНК и стенд - ап комедија на Гораст Цветковски на културното лето во Кисела Вода

Рејтинг на корисник:  / 1

Културните настани во рамките на овогодинешното, 8-мо издание на културното лето во Кисела Вода продолжуваат и оваа работна седмица. Културнио бран од верско – рекреативниот центар “Три круши” ќе се префрли во дворот на подрачното училиште “Кузман Јосифовски – Питу” во нас. Црниче, каде во среда (03.07.2013) со почеток во 21:00 часот, концерт ќе имаат милениците на младата публика, Р&Б дуото ДНК. 
За смеа до солзи пак, ќе се погрижи актерот Гораст Цветковски со презентација на неговата препознатлива стенд – ап комедија. 
Влезот за граѓаните ќе биде бесплатен.

Хуманитарната коријада ќе се одржи утре во паркот “Шопен”

Рејтинг на корисник:  / 0

Хуманитарната коријада 2013, која поради временските неприлики се одложи, ќе се реализира утревечер (02.07.2013) во паркот “Шопен”. Во периодот од 18:00 – 20:00 часот, Активот на жени – пензионери од Кисела Вода во соработка со општината Кисела Вода и волонтерите од Дневниот центар на Црвениот Крст ќе ја организираат традиционалната “Хуманитарна Коријада”, на која присутните граѓани по симболични цени ќе можат да дегустираат дел од вкусните пити, подготвени од вештите раце на жените пензионери од Кисела Вода. Собраните средства ќе бидат наменети за Дневниот центар на Црвениот Крст и за социјално загрозени стари лица од Општина Кисела Вода. Манифестацијата е под покровителство на Општина Кисела Вода.