Продолжува Кулурното лето на Кисела Вода: Утро наменето за децата, а вечерва Жаре Бербер и Петар Грашо

Рејтинг на корисник:  / 0

Уште еден прекрасен концерт од Културното лето на Кисела Вода се одржа синоќа на Три Круши во Драчево.

Повеќе: Продолжува Кулурното лето на Кисела Вода: Утро наменето за децата, а вечерва Жаре Бербер и Петар Грашо

Над 15 000 луѓе вечерва на Културното лето во Кисела Вода

Рејтинг на корисник:  / 0

Преку 15 000 посетители вечерва уживаа во фантастичната атмосфера на  на првата вечер од Културното лето  на Општина Вода. 

Повеќе: Над 15 000 луѓе вечерва на Културното лето во Кисела Вода

Градоначалникот Ѓорѓиевски им врачи пехари на победниците од купот "Св.Ѓорѓија"

Рејтинг на корисник:  / 0

Победниците од купот “Св.Ѓорѓија” беа на прием кај градоначалникот Орце Ѓорѓиевски, каде беа присутни и Претседателот на Сојузот на училишен спорт  на општината Дејан Стојмановски и селекторот и тренер во кошарка Благоја Кецовски.

Повеќе: Градоначалникот Ѓорѓиевски им врачи пехари на победниците од купот "Св.Ѓорѓија"

Започнува Културното лето на Кисела Вода: 68 години-БЕСКРАЈНА ПРИКАЗНА КОЈА СТАНУВА СЕ ПОДОБРА

Рејтинг на корисник:  / 2

Со слоганот 68 години-БЕСКРАЈНА ПРИКАЗНА КОЈА СТАНУВА СЕ ПОДОБРА, Општина Кисела Вода следната седмица го започнува Културното лето и одбележувањето на својот роденден. Се работи за низа културно-забавни случувања кои започнуваат во четврток на 22 јуни и финишираат со роденденската забава на 29 јуни. За незаборавна забава годинава ќе се грижат низа македонски изведувачи, уметници и за крај, големата балканска ѕвезда Петар Грашо!

Кутурното лето ќе се одвива во три фестивалски вечери, на 22, 23 и 24 јуни, на две локации- во Расадник (просторот спроти ООУ “Кирил Пејчиновиќ”)  и на Три круши во Драчево.

Отворањето е закажано за четврток, 22.06. во Расадник. Од 21 часот Диџеј сет ќе има DJ Mats, а по него, од 22 часот следи концерт на Два Бона.

Следејќи го концептот за шареноликост на музичките стилови и константност во однос на квалитетот на понудата, Културното лето на Општина Кисеа Вода,  утредента, на 23.06., петок, продолжува на Три Круши во Драчево, каде ќе настапат КУД Китка, Сузана Спасовска и Миле Кузмановски.

Последниот ден, сабота, 24. 06. во Расадник, денот ќе започне со богата детска програма во која се вклучени аниматори, забавувачи, децата од сите детски градинки, а во игрите без граници ќе можат да се приклучат и децата кои ќе одлучат да дојдат на настанот како публика. Ќе има и многу музика, хитови и хип хоп танци за сите присутни.

На истата локација, во Расадник, од 21 часот стартува финалната вечер. За одлична журка ќе се погрижи познатиот Жаре Бербер со Галама бенд, а по него следи голем концерт на една од најпопуларните музички ѕвезди на овие простори. По Сплит арената, по преполнетата Загребска арена, Петар Грашо ќе ги пее своите безвременски хитови пред жителите на Кисела Вода и пред сите оние кои можеби не се од нашата општина, но уживаат во музиката на овој хрватски романтичар.

Пет дена подоцна, на 29 јуни, Општина Кисела Вода ќе го одбележи својот 68-ми роденден за кој се предвидени манифестацијата Битка на бендови, а вечерта, после сетот на DJ Mats, на сцената во Расадник, концерт ќе има групата Нокаут, која преку своето 25 годишно постоење испиша историја во македонската музичка приказна.

Во меѓувреме, ја задржуваме традицијата отпочната минатата година, па во деновите помеѓу културното лето и роденденот, да бидат промовирани, отпочнати или завршени голем број на поголеми инфраструктурни проекти. Како локална самоуправа, сакаме да истакнеме дека ова е само дел од она што ќе го одбележи месец јуни во општина Кисела Вода. Многу повеќе детали, иненадувања, како и целосната листа на изведувачи ќе биде презентирана во среда, на прес конференција.

Она што сакаме да го порачаме до сите љубители на квалитетната музика, на сите кои минатата година беа дел од 30 000-ната публика на Културното лето, на сите жители на општина Кисела Вода, но и на сите граѓани и од другите општини и градови да си ги забележат овие денови во својот календар, да дојдат и да бидат дел од оваа големо случување кое секако ќе им остане во убаво сеќавање. БЕСКРАЈНАТА ПРИКАЗНА СТАНУВА СЕ ПОДОБРА, А СИТЕ НИЕ СМЕ ДЕЛ ОД НЕА!

Градоначалникот Ѓорѓиевски и децата со попреченост со свечена забава ја испратија учебната година

Рејтинг на корисник:  / 1

Градоначалникот Орце Ѓорѓиевски синоќа беше дел од забавата по повод завршувањето на учебната година на учениците од ОУРЦ ,,Д-р Златан Сремец” и од Здружението на родители на деца со церебрална парализа. Настанот на кој присуствуваше со својата сопруга и дел од тимот од Општина Кисела Вода, се одржа во вила ,,Касијана” и е уште еден од бројните кој градоначалникот ги организира со цел да се олесни животот на овие лица, да се надминат стереотипите и предрасудите и тие да бидат прифатени од општеството.

-Овие дечиња, моите верни пријателчиња сакаат љубов и внимание и да знаат дека не се сами. Се борам и ќе се борам да имаат еднакви можности и секогаш можат да сметаат на мене како човек, но и како градоначалник. Сакам да се заблагодарам на вила ,,Касијана” што ги отвори вратите за овие дечиња да можат да се дружат и забавуваат а на вас, другарчиња мои, ви се заблагодарувам на прекрасната вечер. Секогаш уживам да го поминам времето со вас! Се гледаме на следното дружење-им порача градоначалникот Ѓорѓиевски.

Инаку, во Расадник, е отворен и активно функционира клуб за децата со церебрална парализа целосно покриен од градоначалникот и неговиот кабинет. Кисела Вода овозможи и функционирање на Дневен центар за окупациона терапија за лица со попреченост над 18 години, ја отвори првата целосно инклузивна јавна детска градинка Симба, како и првото целосно инклузивно основно училиште, ООУ “Кузман Јосифовски Питу”. 

Кисела Вода е првата и единствената општина каде, преку соработка со Црвен Крст старите и немоќни лица добиваат бесплатен посебен транспорт за користење на здравствена, социјална, или друга административна услуга. Во насока на обезбедување на еднакви можности за сите, во Општина Кисела Вода заедно со Министерство за труд и социјална политика и Црвен Крст отвори и Нега Центар за обезбедување на помош во домашни услови за повозрасните и лицата со попреченост. Воедно, овие лица се вклучени и во сите манифестации организирани од Општина Кисела Вода, а често, како што беше и синоќа, заедно со градоначалникот заеднички ги одбележуваат и своите поголеми и помали успеси и лични достигнувања.