Кисела Вода е првата општина која ќе понуди системско решение за справување со булингот. На денес одржаната седница на Локалниот совет за превенција, градоначалникот Ѓорѓиевски ја промовираше првата од сетот мерки која од денес им стои на расплагање на жртвите од врсничко насилство или на нивните блиски.

Повеќе: Кисела Вода со директни мерки за сузбивање булинг

ООУ “Кирил Пејчиновиќ” е победник во финалето на одбојкарскиот турнир во рамки на возобновениот училишен спорт, кое се одигра денес, на Меѓународниот ден на спортот. Во финалната средба, ,,Кирилци“ предводени од најдобриот играч на средбата и на турнирот Марија Кузмановска, заслужено, со 2:0, славеа против своите врснички од ООУ “Круме Кепески”.

Повеќе: Со финале во одбојка, Кисела Вода го одбележа Меѓународниот ден на спортот

Општината Кисела Вода успеа во намерата да го возобнови училишниот спорт. Во утрешното финале на одбојкарскиот турнир (девојчиња) ќе играат ООУ “Кирил Пејчиновиќ” - ООУ “Круме Кепески”.

Повеќе: Училишен спорт-финале: "Кирил - Круме"

Продолжува градежната офанзива низ улиците во општина Кисела Вода. Денес градоначалникот Ѓорѓиевски беше во населбата Драчево, каде, со отпочнатите активности, нов асфалт ќе добие улицата “Бранко Заревски” на потегот од крстосницата помеѓу “Славка Динкова” до “Малешевска”.

Повеќе: 2000 квадратни метри асфалт за улиците “Бранко Заревски” и “Ниџе Планина”

Советот на Општина Кисела Вода ќе ја одржи дваесеттата и втората пленарна седница на 10.04.2023 година (понеделник) со почеток во 11:00 часот, со следниот дневен ред:

1.Предлог – Програма за измена и дополнување на Програмата (Ј) – комунални дејности за 2023 година;

2.Предлог – Програма за измена на динамиката на Развојната програма – Програма од надлежност ЕАО – капитални трошоци на Општина Кисела Вода, Развојна Програма ЕАБ – набавка на интегриран ГИС систем за дигитализација на интерни процеси во Општина Kисела Вода;

3.Предлог – Програма за измена и дополнување на Програмата од надлежност (В) и Програмата ( ВA) – предучилишно воспитување за 2023 година;  

4.Предлог - Развојна Програма - Програма ЛАА – спорт и рекреација (капитални расходи) реконструкција на спортско игралиште и урбана опрема  во Расадник 2023 – 2025 година;

5.Предлог – Програма за измена и дополнување на Програмата  за култура (К4) културни манифестации и творештво и Програма (КА) културни манифестации и творештво – капитални расходи за 2023 година;

6.Предлог – Одлука за измена и дополнување на Буџетот на Општина Кисела Вода за 2023 година;

7.Предлог – Одлука за утврдување на членови на Иницијативен одбор за свикување и одржување на конститутивна седница на Локално собрание на млади;  

8.Советнички прашања;

Седницата ќе се одржи во големата сала во барака 7.