Општина Кисела Вода и годинава ја продолжува традицијата на наградување и стимулирање на талентираните ученици и спортисти од основните училишта и наградување на најдобрите просветни работници од основните училишта кои опстојуваат на територијата на општината.
Имено, денес (понеделник) е објавен јавниот оглас за пријавување на најдобрите основци, кои постигнале одлични резултати на натпреварите во образованието, културата и спортот, а обезбедени се и стимулативни награди и за просветните работници кои дале посебен придонес во областа на воспитно – образованиот процес, како и во делот на стручната работа со учениците.

Повеќе: ОБЈАВЕН Е ОГЛАСОТ ЗА ДОДЕЛУВАЊЕ НАГРАДИ НА НАЈДОБРИ УЧЕНИЦИ, СПОРТИСТИ И ПРОСВЕТНИ РАБОТНИЦИ ОД ОСНОВНИТЕ УЧИЛИШТА

Жителите на населбата Пржино ќе добијат модерен спортски центар на местото од поранешното спортско игралиште “Славија”.

Повеќе: Ѓорѓиевски: “Славија” ќе биде современ спортски комплекс

Со свежо цвеќе положено на бистата на Александар Сергеевич Пушкин, Општина Кисела Вода ја одбележа 224 година од раѓањето на овој великан на руската и на светската поезија од 19 век.

Повеќе: Денот на Пушкин одбележан во Кисела Вода

24-та Седница на  Советот на Општина Кисела Вода

Советот на Општина Кисела Вода ќе ја одржи дваесеттата и четвртата пленарна седница на 05.06.2023 година (понеделник) со почеток во 11:00 часот, со следниот дневен ред:

1. Предлог-Програма за измена и дополнување на Програмата  за култура (К4) културни манифестации и творештво и Програма (КА) културни манифестации и творештво – капитални расходи за 2023 година;

2.Предлог-Програма за измена и дополнување на Програмата  (Н1) и Програмата (НА)  капитални расходи за основно образование за 2023 година;

3.Предлог-Развојна Програма НАА- Основно образование ( капитални расходи) Изградба на објект – затворено спортско игралиште во ООУ „ Рајко Жинзифов“ Пинтија – Општина Кисела Вода за 2023-2024 година;

4. Предлог-Програма за измена и дополнување на Програмата од надлежност (В) и Програмата ( ВA) – предучилишно воспитување  за 2023 година;    

5.Предлог-Програма за измена и дополнување на Програмата  (Ј) – Комунални дејности за 2023година;     

6. Предлог-Одлука за измена и дополна на Одлуката за подигање, чување, одржување, заштита и користење на спомен-обележје на Мите Костов Папули;

7.Предлог-Одлука за измена и дополнување на Буџетот на Општина Кисела Вода за 2023 година;

8.Предлог – Одлука за изменување и дополнување на Одлуката за именување на претставници на Општина Кисела Вода во училишните одбори во основните училишта на подрачјето на Општина Кисела Вода; 

9.Советнички прашања;

           Седницата ќе се одржи во големата сала во барака 7.