478 граѓани кои ја доставија потребната документација од општина Кисела Вода ќе добијат субвенција за набавеното огревно дрво. Општинската комисија ги разгледа поднесените барања на лицата кои се пријавија на објавениот повик на локалната самоуправа и го изготви списокот на одобрените апликации, за кои исплатата ќе се изврши до крајот на годинава.

Повеќе: Речиси 500 семејства добиваат субвенции за огревно дрво од Кисела Вода

Општина Кисела Вода ги поканува своите жители да земат  учество во првата форумска сесија во рамки на проектот "Зајакнување на општинските совети" кој го спроведува УНДП во партнерство со Кисела Вода. Транспарентно и одговорно, на граѓаните им се дава можност да ги дефинираат проектите кои сметаат дека се приоритетни и кои ќе бидат финансирани во рамки на оваа програма за која средствата ги обезбедија Швајцарската влада и Министерството за локална самоуправа. 

Ве покануваме во ресторанот Градина, во среда, 22 ноември, со почеток во 11 часот.

Започна реализацијата на капиталниот проект за изградба на подземна инфраструктура во населбата Стаклара (Каменик). Ова е последното населено место во општина Кисела Вода каде во 21-от век се уште се користат септички јами. И покрај тоа што тука живеат околу 500 семејства и се лоцирани преку 60 бизнис ентитети, овој проект поради сложеноста на зафатот и превисоката цена за негова реализација не бил воопшто планиран од страна на ниту едно претходно раководство на Општината. Градоначалникот Орце Ѓорѓиевски кој денес присуствуваше на почетокот на градежните активности за изградба на фекална мрежа, го информираше населението за планираниот тек на зафатот. Тој опфаќа најпрво изградба на фекална канализација во должина од 4.5км, потоа и водоводна мрежа или подземна мрежа во вкупна должина од околу 9.2км, по што ќе се изврши и асфалтирање на целиот потег.

-Денешниот настан е значаен од два аспекта. Првиот е што со овој градежен зафат го затвораме поглавјето во општина Кисела Вода одбележано со недостиг од фекална канализација во 21 век. Во општина Кисела Вода повеќе ќе нема цели населби со септички јами, за што сите ќе се согласиме дека е голем срам што тоа не било приоритет на било кое претходно раководство.

Вториот аспект е што жителите на Стаклара како и огромен број на бизнис ентитети чија дејност се одвива токму тука ќе добијат нешто кое го бараа 50 години и секогаш добиваа одговор дека е невозможно. Се работи за 500 семејства и преку 60 економски оператори, ­што значи дека овој капитален проект ќе има долгорочен позитивен ефект врз економскиот развој на општината. Трасата е долга 4.5 км. 3.5 км од нив се во Каменик1 и Каменик 2 и уште 1 км од првиот влез во Пинтија до Усјанскиот Канал. Денес започнуваме со изградба на фекалната мрежа, а на пролет и со водоводната. Поголемиот дел од средствата се веќе обезбедени. Исто така, сакам да назначам дека по изградбата на фекалната и водоводната мрежа во Стаклара, целата траса ќе биде и асфалтирана, со што проектот ќе биде заокружен во целост-истакна градоначалникот Орце Ѓорѓиевски.

Градоначалникот Орце Ѓорѓиевски денес изврши увид во почетните градежни активности за изградба на нов паркинг во Расадник. За десетина дена, на оваа локација со површина од околу 1000 квадратни метри, ќе биде завршен паркинг просторот кој ќе овозможи паркирање на околу 130 возила.

-Се наоѓаме во централното јадро на Кисела Вода, во населбата Расадник, каде денес почнавме со изградба на нов паркинг простор, четврт во овој дел на општината за овие две години. Се работи за позиција која ќе обезбеди нови 130 места за паркирање на возила, бидејќи се простира на околу 1000 квадратни метри. Свесни сме дека секогаш постои недостиг од простор за паркирање, па интензивно работиме на изнаоѓање на нови локации кои треба да го подобрат сообраќајот во мирување. Илустративно, за населбата Расадник, ова значи околу 400 нови паркинг места за овие две години или, на ниво на целата општина, обезедивме нови 1200 места на кои граѓаните можат да паркираат. Како раководство на Кисела Вода, сакам да информирам дека ова е стратешка насока која и понатаму ќе ја следиме бидејќи и сообраќајот во мирување е важен фактор за намалување на метежот по улиците и унапредување на квалитетот на живот на нашите сограѓани. Она за што би сакал да апелирам е граѓаните кои поседуваат гаражен простор во самите згради, истиот да го користат и со тоа да овозможат новиот простор за паркирање да биде достапен на оние кои немаат сопствени гаражи-истакна градоначалникот Орце Ѓорѓиевски.

Советот на Општина Кисела Вода ќе ја одржи триесеттата пленарна седница 15.11.2023 година (среда) со почеток во 10:00 часот со следниот дневен ред:

-Усвојување на Записникот од 28-та пленарна седница 

1. Стратегија за млади на Општина Кисела Вода 2024 - 2028 година со Акциски план 2024 – 2025 година;
2. Социјален план на Општина Кисела Вода 2023 - 2027 година;
3. Предлог – Одлука за измена и дополнување на Одлуката за формирање на партиципативно тело од областа на урбанизмот на Општина Кисела Вода;
4. Предлог - Развојна програма ЈГГ - Изградба, реконструкција и одржување на водоснабнителни системи во нас.Драчево, с.Драчево, Бирарија, Црниче, Пржино, Цветан Димов, 11 Октомври бараки и Кисела Вода -  2024 година- 2026 година;
5. Предлог - Развојна програма ЈДВ - Реконструкција на улиците во нас.Каменик 2024 година- 2026 година;
6. Предлог - Развојна програма ЈДГ - Изградба и реконструкција на улици во нас.Расадник, Цветан Димов, Бирарија, Кисела Вода   2024 година- 2026 година;
7. Предлог - Развојна програма ЈДЃ -  Изградба на потпорни ѕидови на територија на Општина Кисела Вода   2024 година- 2026 година;
8. Предлог - Развојна програма ЈДД -  Реконструкција на коловоз и изградба на тротоари на ул.Ѓорѓи Димитров   2024 година- 2026 година;
9. Предлог - Развојна програма ЈДЕ - Изградба на пешачка патека во с.Драчево м.в. Покрсти (втора фаза)     2024 година- 2026 година;

 10. Предлог - Развојна програма РАБ - Изградба, реконструкција и одржување на зелени површини  2024 година- 2026 година;

11. Предлог - Развојна програма РАА -  Изградба, реконструкција и одржување на хидранстка мрежа, фонтани, чешми за питка вода и пумпни станици  2024 година- 2026 година;

12. Предлог - Развојна програма Р1В -  Купување и поставување на мерна страница за амбиентален воздух на територија на Општина Кисела Вода 2024 година- 2026 година;

13. Предлог - Развојна програма Р1Б - Изградба на пешачка патека и уредување на коритото на р.Мала Рада 2024 година- 2026 година;

14. Предлог - Развојна програма Р1А - Изградба на пешачка патека и уредување на коритото на Црниот канал во должина од 3,5км 2024 година- 2026 година;

15. Предлог - Развојна програма ЈНБ -Изградба на детски и спортски игралишта во нас.Драчево, с.Драчево, нас.Градинар, нас.Пинтија, нас.Расадник, нас.Кисела Вода, нас.Каменик и поставување на урбана опрема во дворовите на детските градинки и основните училишта во Општина Кисела Вода 2024 година- 2026 година;

16. Предлог - Развојна програма ЈИГ- Фекалан канализација нас.Каменик 2024 година- 2026 година;

17.  Предлог - Развојна програма ЈЕВ -Изградба и реконструкција на паркинг простор на територија на Општина Кисела Вода  2024 година- 2026 година;

18. Советнички прашања;

 Седницата ќе се одржи во големата сала во барака 7.