Page 4 - 1460 дела

ОТЧЕТ ЗА РЕАЛИЗИРАНИТЕ ДЕЛА НА ГРАДОНАЧАЛНИКОТ НА ОПШТИНА КИСЕЛА ВОДА ВО ПЕРИОДОТ 2013 - 2017
Почитувани,
Овие страници што стојат пред вас, не се ништо друго, туку заокружување на досегашниот
начин на работа на Општина Кисела Вода. Транспарентноста и отчетноста беа и остануваат да
бидат едни од основните постулати врз кои овие 4 години ја темелиме општинската политика.
Имајќи ја вашата доверба како чест, но и одговорност, секогаш вас, граѓаните ве имавме како
партнер во креирањето на стратешките цели, во креирањето на визијата за подобра Општи-
на Кисела Вода. Впрочем, речиси сите реализирани проекти произлегоа од вас, граѓаните, од
сите наши заеднички средби, од добронамерните критики и пофалби, идеи, предлози... Беа
одлична платформа за нашата понатамошна ентузијастичка работа за мене како градоначал-
ник, за општинската администрација, за Советот на Општината. Токму затоа, овој отчет прет-
ставува осврт на сето она што заеднички го направивме во изминатиот период, а во насока на
подигнување на квалитетот на живеење на граѓаните, според европските и светски стандарди,
подобрување на конкурентноста во однос на други локални заедници во земјата, подобрување
на климата за инвестирање, а со тоа и можноста за отворање нови работни места. Работата на
локалната самоуправа никогаш не сопира, посебно кога се работи за голема општина каква
што е Кисела Вода. Па, така и листата на сето она што допрва ќе треба да се сработи е веќе
започната.
Се надевам дека и мојот следбеник ќе го продолжи континуитетот на посветена работа во
служба на граѓаните, достигнувајќи ја заедничката визија за подобра иднина, бидејќи од него
се очекува да продолжи таму каде што ние сме застанале. А, успешноста на една општина
подразбира континуиран развој и растеж.
Со почит,
Билјана Беличанец-Алексиќ
градоначалник на Општина Кисела Вода
5
ПОЧИТУВАНИ ГРАЃАНИ,
Со идејата да се создадат подобри услови за живеење за секој жител во овој дел на главниот
град, пред четири години ја прифатив шансата да бидам на чело на Советот на Општина Кисе-
ла Вода и заедно со градоначалникот Билјана Беличанец-Алексиќ и со сите советници, адми-
нистрацијата и заедно со вас, граѓаните, да работиме на остварување на заедничката визија.
Кога правиме самоевалуација на сработеното и кога пред нас ги имаме реализираните желби
и визии произлезени од вашите реални барања и финансиски можности, сметам дека имаме
зошто да бидеме задоволни. Општина Кисела Вода, предводена од градоначалникот Билја-
на Беличанец-Алексиќ, а со целосна поддршка на Советот, реализираше голем број проекти.
Голем број од нив уште на самиот почеток беа посочени како приоритетни, други се појавија
тековно и бараа наша итна реакција, на што соодветно одговоривме. Реагиравме онаму каде
што има потреба од пат или улица, од ново училиште, нова градинка, од атмосферска или
фекална канализација. Вложувавме во подигнувањето на еколошката свест, во енергетската
ефикасност, во спортот и спортската инфраструктура, во културата, во образованието, во
социјалната заштита, во сите сфери каде проценивме дека има потреба. Притоа, Советот на
Општина Кисела Вода, како дел од законодавната власт на локално ниво, особено советничка-
та група предводена од ВМРО ДПМНЕ, даде голем придонес во реализацијата на сите досега
реализирани дела. Горди сме на остварените капитални проекти кои долго време беа потреба
и желба, а денес се реалност која придонесува Општина Кисела Вода да го најде своето место
во семејството на успешни општини во Република Македонија.
Почитувани граѓани, успешноста на Советот на Општина Кисела Вода во голема мера се должи
на Вас, на вашите сугестии, предлози, совети. Вие бевте нашиот оценувач и коректив во рабо-
тењето. Искрено, се надевам дека ја оправдавме вашата доверба.
Со почит,
Трајче Донев,
претседател на Советот на Општина Кисела Вода
www.kiselavoda.gov.mk