На ова место тие засадија 20-тина чемпреси и птуи, како дел од 16-тата по ред акција “Ден на дрвото”. Засадувањето на дрвцата треба хортикултурно да го оплемени новиот простор за одмор за граѓаните од овој дел на градот, кој досега беше вистинска еколошка депонија. На местото каде редовно престојуваа диви продавачи со камиони кои зад себе оставаа смет и неред, општина Кисела Вода ќе постави нова урбана опрема. Новото решение на просторот , до реализацијата на ДУП-от, на граѓаните ќе им понуди 9 клупи, корпи за отпадоци, 9 канделабри, а се изведе и алпинетум.
Општина Кисела Вода масовно се вклучи во “Денот на дрвото”. Садат и учениците од основните училишта на оваа територија, а на акцијата за која промотивната кампања стартуваше токму од општина Кисела Вода, во текот на претходната недела и се приклучија и сите месни заедници и дечињата од градинките.
Please wait...
