Ј А В Е Н О Г Л А С
до
евидентирани невработени лица за вклучување во
Програмата Општинско - корисна работа
Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “СЕ ГРИЖИМЕ ЗА НАЈМАЛИТЕ, ГИ ВОСПИТУВАМЕ И ОБРАЗУВАМЕ” за работно ангажирање со скратено работно време за период од 6 (шест) месеци за негуватели за деца на возраст до 5 години и 8(осум) месеци за образовени асистенти заради стекнување на вештини и постепено вклучување на пазарот на труд, да се пријават во Општина Кисела Вода.
Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на работниот ангажман статусот на невработените лица останува непроменет, а на невработените лица-корисници на социјална помош за времетраење на работниот ангажман ќе им биде активно правото на користење на социјална помош.
За кандидатите кои ќе бидат избрани и вклучени во Програмата Општинско-корисна работа се предвидува паричен надоместок во висина од 6.200,00 денари, што вклучува персонален данок на доход и осигурување од случај на несреќа при работа и професионално заболување.
Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:
- невработени лица евидентирани во АВРМ најмалку 1 година;
- млади невработени лица евидентирани во АВРМ најмалку 6 месеци
Работните позиции кои се опфатени со овој оглас се однесуваат на ангажирање на :
- 9 (девет) лица негуватели за деца на возраст до 5 години со завршено ССС – IV степен со лиценца за негувател
- 6 (шест) лица образовени асистенти со завршено високо образование профил дипломиран дефектолог, одделенски наставник, педагог или психолог.
Заинтресираните невработени лица, Пријави за учество во Програмата „Општинско-корисна работа“ можат да подигнат и поднесат во Општина Кисела Вода во периодот од 14.09.2017 година до 20.09.2017 година.
Поконкретните услови, права и обврски ќе бидат уредени со склучување на Договор помеѓу општина Кисела Вода и избраните кандидати.
Детални информации за Програмата „Општинско-корисна работа“ можат да се добијат во општина Кисела Вода кај лицето Елизабета Јаневска, Општински координатор за Програмата „Општинско-корисна работа“, Агенција за вработување- Центар за вработување на Град Скопје кај лицата Флорие Љачи или Влатко Ралевски, Центар за социјална работа П.Е Кисела Вода кај лицето Надица Недиќ.
Please wait...
