Жителите на Припор на синоќешната средба пред градоначалникот имаа можност да ги претстават проблемите со кои се соочуваат, како и нивните барања за подобрување на условите за живот во овој дел од локалната самоуправа.

Градоначалникот Темелковски ги информира граѓаните дека Општина Кисела Вода продолжува со тековните активности на својата територија. Покрај ова тој информираше дека локалната самоуправа од средината на овој месец ќе започне со градежни активности. Како приоритет на овие активности тој ја наведе реконструкцијата на ул.14, како и изградбата на потпорни ѕидови на истата. Покрај ова на средбата беше нагласено дека во периодот што следи ќе бидат преземени повеќе работни активности како  реконструкција на ул. 22 и изградба на канал во Бабин Дол на ул. 14 .

Градоначалникот истакна дека за проблемот кој жителите го имаат со фекалната канализација ќе биде побарана финансиска поддршка и од Владата на Репуболика Македонија.

Воедно, тој ги повика жителите на Припор на кои им беа одбиени барањата за легализација да достават елаборати и истите да го запазат рокот и повторно да поднесат барање за легализација. Имено, градоначалникот потсети дека социјално ранливите категории на граѓани елаборатот ќе можат бесплатно да го изготват во Катастар.

На крајот од оваа средба градоначалникот Филип Темелковски нагласи дека во неговиот мандат Општина Кисела Вода ќе се развива подеднакво за сите граѓани и во руралниот и во урбаниот дел.

Присутните граѓани на оваа средба избраа свои претставници во Советот на месната заедница Припор. На истата за нови челнови беа избрани: Перо Велковски, Благоја Велјановски, Ѓорѓи Ацковски, Лилјана Јанковска, Весна Ристовска, Бранко Ѓуровски и Сашо Спасовски. За претседател на Советот на МЗ Припор беше избран Ѓорѓи Ацковски.

Вечерва градоначалникот Темелковски ќе се сретне и со жителите од урбаната заедница Кисела Вода. Истата ќе се одржи во ЦОУ Круме Кепески, со почеток во 18 часот.

• < Prev
• Next >