Купот на Македонија свечено го отвори градоначалникот на Општина Кисела Вода Филип Темелковски. Во своето обраќање пред присутните Темелковски истакна дека општината ќе работи во насока на унапредување на спортот, враќање на спортистите и спортските работници на терените во спортските сали. Градоначалникот Темелковски нагласи дека и во иднина сите спортски клубови и настани ќе ја имаат поддршката од него. 

Додека, претседателот на џиу џица Федерацијата на Македонија Александар Ацевски во своето обраќање се заблагодари за големата поддршка која ја добија од градоначалникот на Општина Кисела Вода Филип Темелковски,  како и од одделнението за спорт во реализацијата на турнирот.  

Љубителите на овој спорт имаа можност да се запознаат со вештините во џиу џица борењето и ne waza. На турнирот во машка и женска конкуренција се натпреваруваа/учествуваа деца до осум годишна возраст, пионири 9/10/11, постари пионири 12/13/14, кадети 15/16/17 и јуниори 18/19/20.

Првото место на овој турнир го освои екипата ДАН КЈУ - Скопје, второто место ОСЕНСЕИ - Штип, додека третото место и припадна на екипата Карлос Маја - Скопје. За најдобар машки борец прогласен е Димитриј Радев, најдобра од женските е Ева Димитровска.

На крајот од турнирот градоначалникот Филип Темелковски на најдобрите екипи им ги додели пехарите и им посака многу среќа.

Имено, Купот на Македонија се одржа во организација на Клубот за џиу-џица СОКЕ, додека главен покровител на истиот беше градоначалникот на Општина Кисела Вода Филип Темелковски.

Воедно, градоначалникот Филип Темелковски во спортската сала „Архиепископ Доситеј“ го проследи и ракометното дерби помеѓу РК Металург Јуниор и РК Струга. Екипата од Струга ги надигра ракометарите од РК Металург Јуниор од Кисела Вода, со резулатат 21:28.

Во моментов Металург Јуниор е на третото место на табелата.

• < Prev
• Next >