За него, секојдневно, грижа водат вработените и студентите кои престојуваат во студенскиот дом, како и жителите кои живеат во близина на истиот. Покрај нив, и таксистите кои ја користат такси постојката се грижат за кучето. Кучето, денес имаше незгода, пропадна во голема дупка ископана како почетна фаза на градежните зафати за изградба на нов објект. Жучко освен несреќа, имаше и среќа, да го види вработен во општината, кој веднаш се обиде да му помогне.

Во акцијата за спасување на Жучко се вклучија дел од погоре наведените лица кои секојдневно се грижат за него. Без оглед на опасноста да се повредат, без оглед што немаа соодветни алатки и машинерија, без оглед што си ја извалкаа и уништија гардеробата која ја носеа, чувството за грижа, желбата и свеста, преовладаа и придонесоа кучето да биде извадено од големата дупка.  

Имено, идејата за одбележување на Светскиот ден за заштита на животните, произлегла во далечната 1931 година во Фиренца, Италија.

По повод овој голем ден и настан со среќен крај, Општина Кисела Вода информира дека вложува максимални напори за заштита на животните, за нивно хумано згрижување, бидејќи правата на животните треба да бидат подеднакви со правата на луѓето. Како дел од овие напори, претходно Општина Кисела Вода, веќе ги извести своите жители за програмата ХУМАНА КОНТРОЛА НА КУЧИЊАТА БЕЗДОМНИЦИ, воедно, преку јавен повик, ги повика сите заинтересирани граѓански здруженија, активисти и жители за заштита на правата на животните, да земат учество во истата, соодветно на нивните желби и можности.

• < Prev
• Next >