-“Ова постојано го потенцирам бидејќи со законските измени, крајниот рок за доставување на геодетскиот елаборат е Јуни 2014 година. Тоа треба да биде силен сигнал за сите наши сограѓани да не губат време и да изготват геодетски елаборат, по што општината ќе може да го заврши предметот за легализација во нивни интерес и конечно да изготви решенија за легализирање на овие објекти” – изјави Беличанец - Алкесиќ.

Таа напомена дека Општина Кисела Вода целосно ја имплементира политиката на “отворени врати”, со која им овозможува на сите граѓани целосен преглед во документацијата и процесот на решавање на нивниот предмет.

Во изминатиот период општината го зголеми бројот на комисии кои излегуваат на терен, а со воведувањето на практиката за делење на решенија на неделна основа, двојно е зголемена ефикасноста во решавањето на предметите.

- “Легализирањето на дивоградбите нуди поволности за сите. Од една страна, граѓаните конечно и формално-правно ќе располагаат со своите имоти, а локалната самоуправа од друга страна, ќе има широко отворени раце за носење на нови детални урбанистички планови со кои ќе го трасира успешниот урбанистички развој” - заврши Беличанец - Алексиќ.

Праксата за делење на решенија за легализација на неделна основа ќе продолжи и во следниот период, а во досегашните три месеци поделени се преку 450 нови решенија за легализација.

• < Prev
• Next >