На првиот „КЛ7 КУП“, во мини ракомет, се натпреваруваа повеќе екипи од школата за ракомет „Кирил  Лазаров 7“. Најбројни беа дечињата од Кисела Вода, од ООУ „Кирил Пејчиновиќ“ и ООУ „Кузман Шапкарев“ кои одиграа 18 натпревари.

Најмладите учесници, родени 2013 година играа на мини ракометни терени. На нив најмалку од се им беше важен постигнатиот резултат, најважно од се им беше што овие натпревари ќе ги врежат во својата меморија како ден кога прв пат биле дел од екипа која игра пред публика. 

Со овој КУП се развива мотото Ракомет за секое дете, бидејќи децата добиваат можност за натпревари кои се најсилното орудие за нивно развивање во играчи. 

• < Prev
• Next >