На финалниот натпревар учениците од ООУ „Кузман Јосифовски - Питу“ ја надиграа селекцијата на ООУ „Кирил Пејчиновиќ“ и со резултат 54:50 тие освоија 1 место. Додека, 3 место освоија учениците од ООУ „Кузман Шапкарев“ кои лесно ја победија кошаркарската екипа на ООУ „Круме Кепески“, со резултат 53:37. Ученикот Андреј Шошкиќ прогласен е за најдобар играч на финалните натпреварувања.
Градоначалникот на Општина Кисела Вода, Филип Темелковски и претседателот на Советот на Општината, Дарио Шимиќ на најуспешните им доделија пехари и медали. Градоначалникот Темелковски во своето обраќање пред присутните нагласи дека Општината ќе поддржува настани кои ќе имаат за цел да го развиваат спортот и воедно истакна дека од младите очекува да бидат најдобрите амбасадори на Кисела Вода. Натпреварите ги проследи и спортскиот директор на МКФ Владимир Темелковски.
Имено, натпреварувачката сезона на одигрување на училишни натпревари започна минатата година и на истата вкупно 288 ученици од сите осум општински основни училишта изминативе неколку месеци играа кошарка, одбојка и футсал.
Следниот месец ќе се одиграат финалните натпревари во футсал и одбојка.
Please wait...
