Заедно со унгарскиот амбасадор, Андраш Клајн, денес кога Унгарците ширум светот го одбележуват својот национален ден, се поклонија пред херојот, кој е една од клучните фигури во Унгарската револуција од 1848 година и поставувањето на темелите за целосно осамостојување на унгарската држава.

-Убавината на пријателството е во споделувањето на важните моменти. Во миговите кои ни се значајни и означуваат нешто големо - за нас, за нашата држава, за нашиот народ. Токму таков ден за Унгарија и унгарскиот народ е 15 Март. Денес заеднички се поклонивме пред спомен плочата на Шандор Петефи, една од клучните фигури во Унгарската револуција од 1848 година и поставувањето на темелите за целосно осамостојување на унгарската држава. Заеднички го одбележуваме Националниот ден на Унгарците и ќе додадеме уште една потврда на заемната почит која ја чувствуваат двата народа. Денес, додека стојам пред спомен обележјето на Шандор Петефи, на истоимената улица во Драчево, сакам да истакнам дека добрата соработка што ја имаме со Република Унгарија, со Унгарците и со нивното здружение “Теледом”, ќе ја интензивираме. Преку нови заеднички проекти уште повеќе ќе придонесеме кон зближување на македонскиот и унгарскиот народ, истакна градоначалникот Ѓорѓиевски, уште еднаш честитајќи им на присутните.

Свое обраќање имаше и амбасадорот на Република Унгарија во Република Македонија, н.е. Андраш Клајн, кој на настанот беше придружуван од военото аташе, полковник Хари Саболч и неколку претставници од амбасадата на Унгарија, како и од Претседателот на Здружението на Унгарците во Македонија, “Теледом”, Јожеф Шутуш. Амбасадорот Клајн ја нагласи важноста на денешниот празник за сите Унгарци низ светот и упати благодарност кон градоначалникот Орце Ѓорѓиевски и општина Кисела Вода. Наведе дека на негово големо задоволство, посветената работа на зближување на двата народа, македонскиот и унгарскот, продолжува.

По повод 15 Март, во основните училишта во општина Кисела Вода беше распишан литературен конкурс. За литературните творби на темите “Животот и делото на унгарскиот поет Шандор Петефи” и “Револуцијата од 1848 во Унгарија и нејзиното значење”, беа доделени прво, второ и трето место. Амбадасадата на Република Унгарија во Македонија ги обезбеди наградите, од кои ќе издвоиме дека првонаградената ученичка, летово ќе патува на младински камп во Унгарија.

Наградени беа следните ученици:

- I место - ученик Матеја Трајковска - IX 1 одделение, ООУ „Кузман Шапкарев“, ментор Петар Ивановски

- II место – ученик Лео Миновски - IX 2 одделение, ООУ „Круме Кепески“, ментор м-р Татјана Пеливанова.

-III место - ученик Мина Ќурапова - V б одделение, ООУ „Партенија Зографски“.

• < Prev
• Next >