Општината, од своја страна, направи максимални напори, преку воведување на повеќе технички мерки, овој процес да се одвива со добра динамика. Со денешното јавно доделување на 50 решенија за легализација, бројот на легализирани објекти во границите на општина Кисела Вода, се искачи на 3254.

-Сакам да истакнам дека жителите на општина Кисела Вода, разбираат дека покрај општината, тие ја носат главната улога, бидејќи општинските служби можат да работат само откако ќе им биде доставена целосната документација. Ова го велам бидејќи денешната ситуација вели дека бројот на граѓани кои не доставиле геодетски елаборат е се помал. Заклучно со денешниот ден, нивниот број изнесува 3650. Се надеваме дека тие граѓани нема да чекаат до крајниот рок, кој согласно последните владини измени е пролонгиран до 31.12.2015- потенцираше градоначалникот на општината Билјана Беличанец-Алексиќ.

Уште еднаш, таа потсети дека бенефитот од успешното заокружување на процесот на легализација ќе биде заеднички.

-Граѓаните ќе станат сопственици на нивните имоти, а општината ќе може да донесе нови детални урбанистички планови, во кој ќе бидат впишани и новолегализираните објекти, што е и крајна цел на овој процес-заклучи градоначалникот Беличанец-Алексиќ.

• < Prev
• Next >