На свеченоста по повод 50 годишниот јубилеј на училиштето, неговиот директор Даниела Костадинова, им се заблагодари на сите вклучени во изградбата на новото најсовремено училишно здание, кое профункицонира оваа учебна година и кое настана како резултат на соработката помеѓу македонската Влада и НР Кина, како и преку постојаните заложби на општина Кисела Вода која беше важна карика во целиот овој процес.
За сево ова, таа им врачи благодарници на градоначалникот на општина Кисела Вода Билјана Беличанец-Алексиќ и на претставникот на Абасадата на НР Кина во Р. Македонија, економскиот оветник Ју Џуџин.
Во свеото обраќање градоначалникот Беличанец-Алексиќ честитајќи го големиот јубилеј, истакна:
-Да се биде дел од секојдневието на ова училиште, како дел од тимот кој работи на решавање на сите предизвици, за општина Кисела Вода, а и за мене како градоначалник, значи благородна, но пред се’, одговорна задача. Голема е нашата радост што испишувајќи ги страниците од дневникот на ова училиште, 50те години растеж ги заокруживме со нов училишен објект, за кој слободно можеме да кажеме дека е најубавото училишно здание во Македонија. За ова сме исклучително благодарни на НР Кина и Владата на РМ кои преку потпишаниот договор за билатерална соработка ја овозожија изградбата на објектот и со тоа го подигнаа квалитетот на образовниот процес. Заложбите на општина Кисела Вода, за создавање на нови успешни приказни на учениците кои од овде ќе зачекорат кон животот, продолжуваат понатаму.
Дека музички инструмент е соодветна донација за ова училиште, покажаа учениците кои со својата исклучителна музичка дарба, се претставија пред публиката во преполната сала. Се пееше, се изведоа голем број на ритмичко-кореографски точки, од кои посебно впечатлива беше онаа на традиционална кинеска музика, свој настап имаше и поранешен ученик од ова училиште, кој ја отпеа песната што ја испеал на детски фестивал кога бил помлад, забележителен беше и драмската секција, како и завршницата, во која на сцена, се појавија сите ученици, заедно со своите наставнички и професорот по музичко воспитување пеејќи “School must go one”, како една симболична преработка на големиот хит на Queen od 90-тите.
Please wait...
