-Почитувани, годинава општина Кисела Вода одбележува значаен јубилеј. Како Претседател на Советот на општината, заедно со градоначалникот Беличанец-Алексиќ, се надеваме дека 60тиот роденден ќе го дочекаме како општина која од неславен лидер по бројот на дивоградби се трансформираше во локална самоуправа која има најдобра динамика на решавање на предметите. Токму затоа нашата работа ќе продолжи со несмалена динамика, а притоа се надеваме дека од вас, граѓаните, ќе имаме силна поддршка-истакна Претседателот на Советот Донев.
Едновремено, во просториите на општина Кисела Вода, градоначалникот Билјана Беличанец-Алексиќ, одржа уште еден приемен ден за жителите на општина Кисела Вода, за во прво лице, непосредно, да слушне за нивните барања и потреби. Можноста да се реагира, да им се излезе во пресрет на граѓаните, да се решат проблемите, секако, согласно надлежностите и реалните можности, да се слушнат добрите идеи, останува да биде насока во која ќе се движи оваа општина и во периодот што следува. Приемните денови на градоначалникот Беличанец-Алексиќ и понатаму остануваат редовна пракса. Истите, се закажуваат на телефон 02/2785-400, по што граѓаните телефонски се контактираат за датумот и времето на средбата.