Насловна
Проектот насловен “Обука за развој и унапредување на свеста за значењето на културата и уметноста со цел развивање на креативниот потенцијал на најмладите и доусовршување на воспитно-образовниот кадар во областа на ликовната и драмската уметност” ќе ја добие својата финализација.
Проектот траеше два месеци, а се реализираше во соработка со двете градинки од општината Кисела Вода, ЈДГ “8-ми Март” и ЈДГ “Весели Цветови”. Координатор на проектот беше м-р Татјана Гогоска, а со обуката беа опфатени 10 објекти на градинките, преку 30 воспитувачи и околу 100 дечиња.
Завршната презентација на овој проект ќе се реализира утре (24.12.2013), во 10:30 часот, во просториите на градинката “Сончоглед” (спроти Домот за слепи лица).
На настанот ќе биде презентиран и краток филм од обуката на воспитно-образовниот кадар и орнаментите што воспитувачите заедно со децата ги изработија во текот на работилниците.
Please wait...
