Вчеравечер, во рамки на Културното лето “Три круши 2017“, настапи еден од најквалитетните македонски фолк пејачи Миле Кузмановски. Со емотивната изведба на песната “Еј огледло“, тој пред публиката, го отвори својот целовечерен концерт.
Повеќе од еден час бројната публика имаше можност во еден глас заедно со него да ги пее неговите најпознати хитови, Еј огледало, Не кани ме, Се што побарав од тебе господе, Крал без круна...
Покрај изведбата на песни од неговите албуми Миле Кузмановски отпеа и други познати македонски народни песни, по желба публиката.
Богатата концертна програма на културното лето “Три Круши 2017” во организација на општина Кисела Вода продолжува. Вечерва со почеток во 20:30 на локацијата “Три круши“ каде се одржуваат и сите останати концерти целовечерен настап ќе има “Дипломатик бенд“.
Please wait...
