Општина Кисела Вода со Градот Скопје ја чисти дивата депонија кај фабриката Хемтекс
Рејтинг на корисник:
/ 0
Општина Кисела Вода во соработка со Градот Скопје започна голема акција за чистење на дивата депонија, лоцирана во околината на фабриката „Хемтекс“.
Од утринава екипите на Градот и Општината рачно и со механизација во должина од околу 1 километар расчистуваат над 200 кубика отпад, одложен од страна на несовесни граѓани. Покрај ова, со акцијата опфатено е и кастрење на нараснатите суви гранки.
Локалната самоуправа во соработка со Градот Скопје изминатиов период на својата територија ги исчисти најголемите диви депонии. На дел од депониите направени се паркови, а на некои во тек се градежни активности за зазеленување и урбано уредување.
Општина Кисела Вода ги повикува граѓаните да не одложуваат отпад на јавните површини, да го почитуваат Законот за јавна чистота, затоа што само така ќе придонесат за почиста и поздрава животна средина.
Please wait...
