Во Големата сала на општина Кисела Вода се одиграа шестото и седмото коло на шаховската лига помеѓу месните заедници, каде МЗ Бирарија со уште две последователни победи, се зацврсти на лидерската позиција. МЗ Бирарија во шестото коло со 3:1 ја победи екипата на Црниче, а истата судбина ја доживеа МЗ Кисела Вода која од МЗ Бирарија загуби со резултат 3:1.
Во овие две кола МЗ 11 Октомври (бараки) исто така оствари две победи и не дозволи водечките три екипи да направат поголема бодовна разлика. После одиграни седум кола, се назира петорката која ќе се бори за шампионската титула. МЗ Бирарија со 14 бода се издвои од своите конкуренти, додека второ и трето пласираните МЗ Пинтија и МЗ Кисела Вода со по десет бода, со само еден бод разлика им “бегаат“ на четврто и петто пласираните 11 Октомври (бараки) и МЗ Пржино. Четвртиот натпреварувачки ден ќе се одржи во вторник на 25 ноември (вторник) со почеток во 10 часот каде ќе се одиграат и заостанатите партии од седмото и осмото коло.
ТАБЕЛА:
- МЗ Бирарија 14 (23,5)
- МЗ Пинтија 10 (17,5) -1
- МЗ Кисела Вода 10 (17)
- МЗ 11 Октомври (бараки) 9 (18,5)
- МЗ Пржино 9 (17,5) -1
- МЗ с. Драчево 6 (12,5)
- МЗ н. Драчево 5 (9) -1
- Општина Кисела Вода 4 (10,5) -1
- МЗ 11 Октомври (згради) 4 (10,5) -2
- МЗ Црниче 3 (10,5)
Please wait...
