Покана до медиуми

Рејтинг на корисник:  / 0

Во сабота, (14.12.2013) градоначалникот на Општина Кисела Вода Билјана Беличанец – Алексиќ во големата сала на општината, со почеток во 10:00 часот ќе додели 40 решенија за легализација на бесправно изградени објекти.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

Ќе се реконструира подрачното училиште “Кузман Јосифовски – Питу” во Црниче

Рејтинг на корисник:  / 3

Подрачното училиште “Кузман Јосифовски – Питу” ќе блесне во ново руво. Имено, Општина Кисела Вода неодамна аплицираше и го доби проектот "Создавање на предуслови за управување со енергијата на локално ниво", кој ќе се реализира со заедничка финансиска контрибуција помеѓу општината Кисела Вода и Програмата за развој на обединетите нации (УНДП) во Скопје, за што двете институции вчера официјално го потпишаа и договорот.

Повеќе: Ќе се реконструира подрачното училиште “Кузман Јосифовски – Питу” во Црниче

Се гради атмосферска канализација за дел од ул. “Димо Хаџи Димов”

Рејтинг на корисник:  / 3

Интензивните градежни активности за подобрување на комуналната инфраструктура во Општина Кисела Вода продолжуваат со несмалена динамика. Имено, деновиве екипи на фирмата Жикол по налог на општината, започнаа градежни активности за изградба на атмосферска канализациона мрежа на ул. “Димо Хаџи Димов”, зад основното училиште “Круме Кепески” во населбата Кисела Вода. Градежните активности се изведуваат во должина од 138 метри, а се поставуваат полиетиленски цевки со различни дијаметри Ф200 мм, Ф 250 мм и Ф 315мм.

Повеќе: Се гради атмосферска канализација за дел од ул. “Димо Хаџи Димов”

Без струја утре дел од Кисела Вода

Рејтинг на корисник:  / 1

Регионалниот центар за управување со кризи на Град Скопје информира дека утре (12.12.2013) без  електрична енергија ќе останат неколку улици во општината Кисела Вода.

Според информацијата, без струја од 8 часот и 30 минути до 10 часот и 30 минути ќе останат корисниците од улиците „Есенинова“, „Жил Верн“, „Трпе Петровски“, „Јордан Филиповски“ и „Стојан Стојановски“ во општина Кисела Вода.

Прекинот е заради реализација на инвестициони зафати за подобрување на квалитетот во снабдувањето со електрична енергија на корисниците од овој реон.

С О О П Ш Т Е Н И Е

Рејтинг на корисник:  / 0

Врз основа на член 57 и член 106 став 3, а во врска со членовите 143 до 148 од Статутот на Општина Кисела Вода (“Службен гласник на град Скопје” бр.08/05 и “Службен весник на Општина Кисела Вода” бр.13/06), член 50 од Законот за Локална Самоуправа (“Службен весник на Р.М” бр.5/2002) и членовите 29 дo 40 од Правилата за работа на урбаните и месните заедници во Општина Кисела Вода (“Службен гласник на Општина Кисела Вода” бр.08/2007), Градоначалникот на Општина Кисела Вода донесе Решение за распишување на избор на членови на Совет на УЗ “Цветан Димов” под бр.19-634 од 04.12.2013 год.

Повеќе: С О О П Ш Т Е Н И Е