Поголем број улици во Кисела Вода без струја

Рејтинг на корисник:  / 0

Поголем број сервисни улици во општината Кисела Вода денеска, во одредени период од денот, ќе останат без струја. Така од 09:00 до 12:00 часот струја ќе нема на улиците “Јакупица” и “Аилска” во Кисела Вода, а од 08:00 до 15:30  улиците 32, 30 и 18, во Пинтија.  Во периодот од 08:30 до 10:30 прекин ќе има и на улица “Сава Ковачевиќ” и улицата 14 во општината Кисела Вода.

Според ЕВН Македонија, прекините се прават за изведување зафати и подобрување на електродистрибутивната мрежа.

Покана до медиуми

Рејтинг на корисник:  / 0

Во четврток, (21.11.2013) во големата сала на Општина Кисела Вода со почеток во 10:00 часот, во организација на Општина Кисела Вода ќе се одржи работилница за подобрување на системот за контрола на безбедноста и квалитетот на храната во воспитно-образовните институции во општината. Предавачи на работилницата ќе бидат: Трајче Донев, Војислав Димитровски и Ката Стојановска од Агенцијата за храна и ветеринарство, како и Тања Турунџиева од Вита Диет клубот од Скопје. Свое обраќање ќе има и градоначалникот на Општина Кисела Вода, Билјана Беличанец – Алексиќ.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

Покана до медиуми

Рејтинг на корисник:  / 0

Во среда, (20.11.2013) Лионс Клуб Центарот од Скопје, ќе донира 100 бели рози кои ќе се засадат на три локации во Општина Кисела Вода: парк “Фредерик Шопен”, дворот на градинката “Мимоза” и дворот на ОУ “Кирил Пејчиновиќ”. (Изјава за медиуми во паркот Шопен, 15:00 часот).

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

Децата од градинките од Кисела Вода ќе го развиваат креативниот потенцијал во областа на ликовната и драмската уметност

Рејтинг на корисник:  / 5

Општина Кисела Вода е прва од општините во градот Скопје која почна со реализација на проектот за развој и унапредување на свеста за значењето на културата и уметноста со цел развивање на креативниот потенцијал на најмладите и доусовршување на воспитно-образовниот кадар во областа на ликовната и драмската уметност. Проектот е предвиден како дел од “Стратегијата со акциски план за развој на културата на Град Скопје за периодот 2012-2015 година”, а ќе се реализира во Јавните детски градинки “8-ми март” и “Весели Цветови”  со воспитувачите и децата од најголемите групи во сите објекти.

Повеќе: Децата од градинките од Кисела Вода ќе го развиваат креативниот потенцијал во областа на ликовната и драмската уметност

Без струја денес дел од Драчево

Рејтинг на корисник:  / 0

Поради интервенции што ќе ги вршат екипи на ЕВН Македонија АД денес во  периодот од 09:00 до 15:00 часот ќе биде исклучена струјата на улицата "Киро Фетак" во Драчево.

Прекинот е заради реализација на на инвестициони зафати за подобрување на квалитетот во снабдувањето со електрична енергија на корисниците од овој реон.