Новости
Општина Кисела Вода продолжува со интензивните градежни активности за асфалтирање на нови и реконструкција на постоечки сервисни улици на нејзината територија.
Во таа насока, во рамките на своите активности за подобрување на сообраќајната инфраструктура на нејзината територија, општината во изминатиот месец реконструираше околу 27 сервисни улици во 5 месни и урбани заедници, каде е поставен асфалт на вкупна површина од околу 5.000 квадратни метри.
Процесот на легализација во општината Кисела Вода тече со добра динамика, а по воведувањето на неколку технички мерки во процесот на решавање на предметите, веќе се гледаат позитивните ефекти.
Во насока на забрзување на темпото со кое се решаваат предметите за легализација во изминатиот период општината кадровски и технички го доекипираше одделението за легализација на дивоградби, се зголеми бројот на комисии кои излегуваат на терен, а се воведе и практика за делење на решенија на неделно ниво. Резултатите се веќе видливи, за што говори и статистиката. По воведувањето на оваа пракса, во изминатите неколку месеци се доделуваат во просек по околу 40-тина решенија за легализација на неделна основа.
Повеќе: Легализирани уште 42 дивоградби неделава во Кисела Вода
Редовната посета на месните и урбани заедници во општината ги дава очекуваните резултати. Граѓаните од една страна можат изворно да се информираат за проектите кои се реализирани и кои ќе се реализираат на територијата на нивната месна/урбана заедница, но истовремено имаат шанса и да дадат идеи и сугестии за подобрување на работата на локалната самоуправа во сервисирање на комуналните проблеми.
Повеќе: Градоначалникот Беличанец – Алексиќ се сретна со жителите на Усје и Припор
Утре со одигрувањето на трите одложени средби, завршува есенската сезона во кошаркарската лига, во рамките на училишниот спорт на општината Кисела Вода. Со оглед на фактот, што избраниците на тренерот Вангел Сувариев ги одиграа сите натпревари во есенскиот дел, тие веќе се промовираа во есенски шампиони. Кошаркарите од ОУ ,,Невена Георгиева Дуња“ надмоќно победија во сите четири кола, притоа докажувајќи дека подготвено ќе ја пречекаат пролетната сезона, за кога се закажани и натпреварите од државното првенство.
Повеќе: Сувариев: ,,Овој тим има потенцијал за државното првенство“
Добрите резултати што ги постигнува основното училиште ,,Круме Кепески“ во рамките на училишниот спорт, од година во година се надградуваат со нови победи на спортските терени. За ваквиот развој на училишниот спорт во ова училиште најголеми заслуги има ,,тандемот“ успешни професори по физичка култура, Зафировски-Милоевиќ. Инаку, денеска избраниците на тренерот Игор Зафировски на квалификациониот турнир во мал фудбал, кој се играше во рамките на градското првенство, во својата група го освоија првото место.
Повеќе: Шампионска игра на ,,Кепески“ на градското првенство