Во сабота се затвора културното лето во Кисела Вода

Рејтинг на корисник:  / 2

Богата музичка програма и бројни изненадувања ќе понуди свеченото затворање на овогодинешното културно лето “Три круши”. Годинава се одржаа вкупно 15 манифестации на кои продефилираа неколку стотини естрадни уметници, театри, ансамбли и културно – уметнички друштва, актери и хумористи.

Свеченото затворање ќе се одржи в сабота (03.08.2013 год.), на верско-рекреативниот центар “Три круши”, каде со почеток во 20:30 часот, со шаренолика музичка програма ќе се навратиме на корените и традицијата. Најпрвин, пред драчевската публика ќе се претстави младата и надежна музичка ѕвезда Даниел Тошевски, по што ќе следи настапот на културно-уметничките друштва “Китка”, “Никола Јонков Вапцаров” и “Јордан Мијалков”. Крајот на годинашното културно лето ќе биде означен со настапот на најголемите музички ѕвезди на македонската фолк сцена, Војо Стојановски и Сузана Спасовска. Влезот за граѓаните е отворен.

Се реконструираат тротоари и се чистат дивите депонии во Кисела Вода

Рејтинг на корисник:  / 2

Општина Кисела Вода започна акција за реконструкција на тротоарите по сервисните улици на нејзината територија. Деновиве, по налог на општина Кисела Вода, екипи на фирмата “Пелагонија А.Д. Гостивар” која го доби тендерот за изградба и реконструкција на патеки, тротоари, скверови, паркинзи и улици од павер елементи, започнаа градежни работи за реконструкција на тротоарот на улицата “Димитрија Чуповски” во нас. Драчево. Се реконструираат тротоарите од левата страна на улицата во близина на зелениот пазар, на вкупна површина од 400 квадратни метри, за што општината издвои околу 730.000 денари.

Повеќе: Се реконструираат тротоари и се чистат дивите депонии во Кисела Вода

Успешен концерт на Силви Бенд на “Три круши”

Рејтинг на корисник:  / 1

Концертна музичка програма понуди културното лето “Три круши”, изминатиов викенд. Покрај феноменалниот настап на Миле Кузмановски во петокот, успешен целовечерен концерт на верско-рекреативниот центар “Три круши” во саботата, одржаа музичките ѕвезди Силви и Влатко Плевнеш, кои 25 години блескаат на музичкото небо под името Силви Бенд.

Повеќе: Успешен концерт на Силви Бенд на “Три круши”

Се пушти во употреба Паркот на бранителите во Драчево

Рејтинг на корисник:  / 11

Паркот на бранителите со меморијална фонтана изграден во чест на загинатите од конфликтот во 2001 година кој се наоѓа во Драчево, од вчера е отворен за граѓаните.

Со достоинствено чествување во организација на Општина Кисела Вода, вчеравечер се оддаде почит на шесте бранители од општината, кои загинаа во конфликтот од 2001 година. Паркот го пуштија во употреба градоначалникот на Општина Кисела Вода, Билјана Беличанец – Алексиќ, Јохан Тарчуловски и поранешниот градоначалник на општината, Марјан Ѓорчев во чиј мандат започна изградбата.

Повеќе: Се пушти во употреба Паркот на бранителите во Драчево

Покана до медиуми

Рејтинг на корисник:  / 0

Во недела (28.07.2013), со почеток во 20:30 часот свечено ќе се отвори Паркот на бранителите со меморијална фонтана во нас. Драчево изграден во чест на бранителите од конфликтот во 2001 година.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.