Се санираат ударните дупки во Кисела Вода

Рејтинг на корисник:  / 3

Акцијата за санирање на ударните дупки и прекопи на територијата на Општина Кисела Вода која започна пред една седмица, веќе на терен ги даде очекуваните позитивни резултати. Откако започна акцијата, комплетно се санирани ударните дупки на повеќе сервисни улици во населбите Цветан Димов, Пржино, Црниче, Драчево, 11-ти Октомври – бараки и Припор, за што се потрошени околу 115 тони асфалт, со кои се пополнети ударни дупки на површина од околу 926 квадратни метри.

Повеќе: Се санираат ударните дупки во Кисела Вода

Исчистени јавните површини околу трим – патеката во Кисела Вода

Рејтинг на корисник:  / 4

Сезонските работници од Општина Кисела Вода и Одделението за заштита на животната средина перманентно изведуваат еколошки акции за чистење на јавните површини на територијата на општината Кисела Вода. Една голема еколошка акција финишираше деновиве, кога сезонските работници ангажирани од општината со соодветна механизација и алат, целосно ја исчистија вегетацијата околу трим – патеката во должина од околу 2,5 километри. Покрај вегетацијата, со акцијата беа опфатени и неколкуте микролокации, односно црни точки каде постојано се создаваат диви депонии.

Повеќе: Исчистени јавните површини околу трим – патеката во Кисела Вода

Дел од Кисела Вода денес без струја

Рејтинг на корисник:  / 1

Регионалниот центар за управување со кризи на Град Скопје ги известува граѓаните дека денес (16.07.) неколку скопски населби ќе останат без снабдување со електрична енергија.

На територијата на Општина Кисела Вода, без електрична енергија во периодот од 08:30 до 11:00 часот, ќе останат корисниците од улицата “Пеју Јаворов”.

Маестрален концерт на Драган Даутовски Квартет

Рејтинг на корисник:  / 6

Овогодинешното културно лето во Кисела Вода докажа дека публиката во оваа општина е желна за убава и традиционална македонска музика. Тоа се потврди на двата концерти, кои викендов се одржаа во рамките на “Брануваното културно Три круши 2013-то лето”. Верско – рекреативниот центар “Три круши” во петокот (12.07.) беше премал да ги собере посетителите, кои уживаа во широкиот репертоар на убава музика во изведба на групата “Фортуна”.

Паркот “Шопен” пак вчеравечер (13.07.), беше средиште на неповторливо културно доживување. Иако, за жал сме навикнати настапите на квалитетните етно-состави од Македонија надвор од државата да бидат многу попосетени, сепак вчеравечер тоа не беше така: паркот “Шопен” беше збиралиште на бројна публика од различни возрасти, различни стилови дојдена со една цел: да ужива во квалитетна музика со сите сетила. За тоа се погрижи професорот и мултиинструменталист на народни инструменти Драган Даутовски со својот состав, кој повеќе од една деценија е бележит репрезент на македонската култура и музика во светот.

Повеќе: Маестрален концерт на Драган Даутовски Квартет

Граѓаните од Кисела Вода ќе учат како да ги заштитат домовите од кривични дела

Рејтинг на корисник:  / 5

“Полицијата – сервис на граѓаните” и “Како да го заштитиме имотот од кривични дела” се двата проекти кои во следниот период ќе се реализираат во Општина Кисела Вода, во организација на полициската станица од општа надлежност “Кисела Вода”. Овие два проекти ќе се реализираат во месните и урбани заедници во општината, согласно претходно утврдена динамика. Ова го најави командирот на полициската станица “Кисела Вода”, Ќиро Крстески, кој искажа голема благодарност до општината Кисела Вода и претседателите на месните и урбани заедници за нивната поддршка и подготвеност за соработка.

Повеќе: Граѓаните од Кисела Вода ќе учат како да ги заштитат домовите од кривични дела