Новости
Во недела, (29.09.2013), со почеток во 17:00 часот, во паркот “Шопен” (во близина на ОУ “Невена Георгиева – Дуња”) ќе се одржи културниот настан “Ден на музиката на Шопен”, каде со интепретација на делата на Фредерик Шопен ќе настапи проф. Даница Стојанова од МБУЦ “Илија Николовски – Луј” и нејзини студенти.
На настанот ќе присуствува градоначалникот на Општина Кисела Вода, Билјана Беличанец – Алексиќ и претставници на Амбасадата на Република Полска во Република Македонија.
Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.
Во сабота, (28.09.2013), во големата сала на Општина Кисела Вода, со почеток во 11:00 часот, градоначалникот Билјана Беличанец – Алексиќ ќе додели ваучери за еднократна парична помош на 52 семејства со новороденчиња од општината.
Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.
Градоначалникот на Општина Кисела Вода, Билјана Беличанец – Алексиќ заедно со раководниот тим од општината и претставници од подрачните единици на јавните претпријатија, вчеравечер ги посетија урбаните заедници “11-ти Октомври-згради” и “Никола Кљусев”.
Жителите на овие населби се заблагодарија на градоначалникот за досега сработеното во овие урбани заедници, но и имаа можност да искажат свои идеи, предлози и сугестии за подобрување на работата на локалната самоуправа во делот на сервисирањето на комуналните услуги.
Градоначалникот Билјана Беличанец – Алексиќ со својот тим ги продолжуваат посетите на месните и урбани заедници во општината. Согласно динамичниот план, вечерва општинските претставници ќе имаат средби со жителите на населбите 11-ти Октомври - згради и 11-ти Октомври – бараки.
Први шанса да ги ислушаат проектите на општината и да ги презентираат комуналните проблеми со кои се соочуваат, ќе имаат жителите на населбата 11-ти Октомври – згради, кои во просториите на оваа урбана заедница, со почеток во 18:30 часот ќе можат да присуствуваат на граѓанската средба.
Во 20:00 часот пак, раководниот тим од општината Кисела Вода ќе ја посети урбаната заедница “Никола Кљусев”, во населбата 11-ти Октомври – бараки.
Во петок (27.09.2013), во периодот од 17:00 – 22:00 часот, во просториите на месната заедница Усје, под мотото “Капка крв, спасува живот” ќе се одржи крводарителска акција. Акцијата е во организација на месната заедница и општинската организација на Црвениот Крст – Кисела Вода. Месната заедница Усје традиционално организира 3 крводарителски акции во годината, каде во просек се пријавуваат околу 30 лица.