Дани Димитровска со својот бенд им ја разубаве неделната вечер на посетителите на Три круши во селото Драчево. Синоќешниот концерт се одвиваше во рамките на културното лето на Општина Кисела Вода, “Три Круши 2018”.
Играње, аплаузи, забава и весела атмосфера, донесе музиката на Дани. Се пееја нејзините хитови Црвени дождови”, “Никој како ти”,” Слободна песна”, “Срца две”, “Најдобра”...
Културното лето “Три Круши 2018” влегува во својата завршница. Во текот на оваа последна седмица до неговото затворање, следуваат уште две концертни вечери. Првата, во петок, 27.07.2018, со Наум Петрески и Зуица Лазова, додека свеченото затворање е предвидено за во сабота, 28.07.2018, кога концерти ќе одржат Силви бенд и Кристина Арнаудова.