Целосна реконструкција на тоалетите во објектот Сончоглед при ЈДГ „Весели Цветови“

Рејтинг на корисник:  / 0

НајлошоНајдобро 

Подобрени услови во градинката која секојдневно ја посетуваат ќе добијат дечињата од ЈДГ „Весели Цветови“, објект “Сончоглед”. Градоначалникот на Општина Кисела Вода Филип Темелковски денес изврши увид во реконструктивните зафати на тоалетите кои во оваа градинка се одвиваат во текот на летово, од почетокот на месец јуни.

Градежните активности во објекот кој опфаќа површина од 1530 квадратни метри, опфаќаат целосна реконструкција на десет тоалети, каде се поставени нови плочки, нови тоалет школки за децата и умивалници со топла вода за миење на рачињата на децата, а се поставени и нови водоводни и одводни цевки.

Градежните зафати течеа во повеќе фази, со што згрижувањето на децата беше ефикасно спроведено – додека се работеше во едно крило, дечињата беа згрижени во друго крило, и обратно. Во моментот се работи во јаслениот дел, а бебињата се згрижени во занимална на долниот кат од објектот, на приземје.

Согласно планираната динамика на работа, целосната реконструкција на тоалетите треба да финишира до крај на месецот, односно на почетокот на новата воспитно-образовна учебна година.

Градоначалникот Темелковски со директорката на ЈДГ „Весели Цветови“ дискутираше и за другите потреби што ги имаат најмладите жители на Општината кои своето секојдневие го минуваат во објектот “Сончоглед”. Најави дека ќе ги посети и сите останати градинки на територија на Општина Кисела Вода, со цел, онаму каде што има потреба да се интервенира во рамките на финансиските можности на Општината.

• < Prev
• Next >