Денес, во ЈДГ „8 Март“, во објектот „Расадник“ по повод одбележувањето на Светскиот ден на децата, 20 - ти Ноември, се одржа едукативен час за заштита на животната средина.
На едукативното предавање кое го одржа Марио Трајковски, менаџер на Кариерниот центар при Факултетот за земјоделски науки и храна, дечињата имаа можност да слушнат совети како да ја заштитат животната средина и како да придонесат за почиста и позелена околина.
Покрај ова, Трајковски преку видео презентација ги запозна децата и со процесот на рециклирање.
Овој настан, дечињата го збогатија со ликовни активности преку кои ги покажаа своите креативни вештини. Тие насликаа многу цртежи кои испраќаат пораки до возрасните за тоа како треба да изгледа опшеството во кое се развиваат.
Во сликањето и идеите за цртежите им помагаа претставниците од Факултетот за земјоделски науки и храна, Анастасија Пауноска, Марио Трајковски и Симона Гавриловска. На настанот учествуваше и Александар Талевски претставник од НХС Здружение за животна средина и екологија. Присутни беа и Габриела Стојановска, директор на ЈДГ „8 Март“ и Ана Ѓуроска претставник од Општина Кисела Вода.
Имено, Светскиот ден на детето се одбележува од 20 - ти Ноември 1954. Додека, на денешен ден во 1959 Генералното Собрание на Обединетите нации усвои Декларација за правата на децата.
Please wait...
