Со голот на Никола Димовски во самиот финиш на средбата, ОУ ,,Кузман Шапкарев“ ја забележа втората победа во сезоната, а со тоа ги зголеми шансите за пласман во плеј-офот на годинашново првенство во мал фудбал, кој се игра во рамките на училишниот спорт.
Овојпат, совладана беше екипата на ОУ ,,Св.Климент Охридски“ со 1:0. Лесна победа, со резултат од 6:0 остварија домаќините ОУ ,,Круме Кепески“. Избраниците на тренерот Игор Зафировски ја забележаа четвртата победа во сезоната. По два гола на средбата дадоа шутерот Антонио Ниневски, голгетерот Стефан Атанасовски и брзиот Филип Василевски. Третата средба меѓу ОУ,,Партеније Зографски“ и ОУ ,,Невена Георгиева Дуња“ заврши нерешено - 1:1. Поради обврски на државното првенство, одложена беше средбата меѓу ОУ ,,Рајко Жинзифов“ и ОУ ,,Кузман Јосифовски Питу“. Шестото коло на програмата е во четврток на 3-ти април, со почеток во 12.30 минути. Сите натпревари се играат во спортската сала ,,Архиепископ Доситеј“.
Please wait...
