Во рамките на културното лето „Три Круши“ , општина Кисела Вода се вклучува и со најактуелните спортски случувања изминатиов месец.
Во недела (13.07) со почеток од 21 часот ги каниме граѓаните на Кисела Вода да дојдат на „Три Круши“ во Драчево и заедно да го проследиме финалето од Светското првенство помеѓу репрезентациите на Аргентина и Германија.
За таа цел, општината обезбеди голем видео бим на кој може да се проследи натпреварот на отворено и им излегува во пресрет пред се' на страстните спортски навивачи.