Децата од ЈДГ "Весели цветови" дел од проектот за почит кон различностите и мултикултурализмот

Рејтинг на корисник:  / 6

НајлошоНајдобро 

Со драмска, музичка и ликовна креативна програма, дечињата од градинката “Весели цветови” во општина Кисела Вода, денес, во паркот Шопен, дадоа свој придонес во почитувањето на различностите и мултикултурализмот во нашата земја.

 Преку театарската претстава “Домот на дружината Мела”, преку музичките точки во кои прозвучеа рефрени на македонски, српски, албански, ромски, турски јазик и заедничките ликовни и спортски активности на сите членови на ”дружината Мела” кои се од објектот “Синоличка” од ЈДГ “Весели цветови”, дечињата се дружеа и покажаа како изгледа успешно функционирање на мултикултурализмот и почитувањето на различностите на секое ниво.

На настанот свое обраќање имаа претставникот на Уницеф во Македонија, д-р Бертран Демулен,  координаторот на Програмата за ран детски развој на здружението “ЕЦД-КОР” Надица Јанева и директорот на ЈДГ “Весели Цветови”- Кисела Вода Габриела Стојановска кои ја потенцираа вредноста на ваквите проекти во подобрување на интеракцијата меѓу различни групи на деца и родители и зајакнување на почитта и прифаќањето на различностите кои се дел од секоја заедница.

Ова, пак, е и крајната цел на проектот “Воведување на почит кон различностите и мултикултурализмот во раниот детски развој во Македонија” кој Министерството за труд и социјална политика, Уницеф и Британската Амбасада го спроведуваат во координација со општините и градинките низ Македонија.   

Имплементацијата на програмата насловена “Воведување на почит кон различностите и мултиклтурализмот во раниот детски развој во Македонија” е започната минатата година и преку серија на обуки и работилници опфати 10 градинки и 10 општини во нашата држава.  Финансиски е поддржана од Уницеф и Амбасадата на Велика Британија, а се спроведува во соработка со Министерството за труд и социјална политика, здружението “Ецд-Кор” и избраните општини и градинки во нив.

• < Prev
• Next >