Поради недостиг од електрична енергија, општина Кисела Вода денес со скратено работно време. Сабота е работен ден.

Рејтинг на корисник:  / 0

Ве известуваме дека поради прекинот во снабдувањето со електрична енергија во објектот на  општина Кисела Вода, настанат поради техничка интервенција во трафостаницата на службите на ЕВН Македонија, денес општината работи со скратено работно време. Воедно, во сабота, 31.01.2015, општинската администрација ќе работи со работно време од 08:30 до 13 часот.

Дел од Кисела Вода утре без електрична енергија

Рејтинг на корисник:  / 0

По информација добиена од ЕВН Македонија АД, ве известуваме дека утре, вторник, 27.01.2015, без напојување со електрична енергија ќе остане објектот на општина Кисела Вода, како и делови од улицата “Борис Трајковски”, ул.”Христо Татарчев”, ул.”Тодор Паница”, како и реонот спроти општината. Прекинот е поради техничка интервенција во трафостаницата и ќе трае во периодот од 09:00 до 14:00 часот.

Бог се јави, навистина се јави!

Рејтинг на корисник:  / 1

На сите православни верници во Република Македонија, општина Кисела Вода им упатува искрени честитки по повод големиот христијански празник Богојавление – Водици. Одбележувајќи го настанот поврзан со крштевањето на Исус Христос во водите на реката Јордан од страна на свети Јован Крстител, даваме наш придонес во она што е христијанска вредност и традиција - вербата во Бога, надежта и љубовта.

Нека ни е честит и вековит овој голем христијански празник!

Општина Кисела Вода ја отвори првата градинка во Припор

Рејтинг на корисник:  / 10

Градоначалникот на општина Кисела Вода Билјана Беличанец-Алексиќ, заедно со министерот за труд и социјална политика Диме Спасов, денес свечено ги отворија вратите на првата градинка во Припор. Објектот “Стапалче” е  во состав на ЈДГ “8 Март”, a се наоѓа во новоизградениот дел од ПОУ “Круме Кепески”. Има капацитет да згрижи 75 дечиња. За неговото отворање, општина Кисела Вода, издвои од својот буџет 12 300 000 денари.

Повеќе: Општина Кисела Вода ја отвори првата градинка во Припор

Покана до медиуми

Рејтинг на корисник:  / 0

Утре, сабота, 17.01.2015, во 11:30, градоначалникот на општина Кисела Вода Билјана Беличанец-Алексиќ и министерот за труд и социјална политика Диме Спасов, ќе ја отворат новата градинка во Припор, објектот “Стапалче”, во состав на ЈДГ “8 Март”( во новоизградениот дел од ПОУ “Круме Кепески” во Припор). Ве покануваме да присуствувате.