Зелено знаме за ОУ „Св.Климент Охридски“ од с.Драчево

Рејтинг на корисник:  / 3

ОУ„Св.Климент Охридски“ од с.Драчево го доби највисокото признание-зелено знаме на 5от по ред Еко самит за наградување на училишта и градинки во рамките на програмата „Интеграција на еколошката едукација“. Програмата е поддржана од Швајцарската агенција за развој, Граѓанската асоцијација „ОХО“, БРО и МОН. На Еко самитот учесниците ги поздрави амбасадорот на Швајцарската агенција за развој и  министерот за образование и наука Спиро Ристовски.

Повеќе: Зелено знаме за ОУ „Св.Климент Охридски“ од с.Драчево

Ул. “Румена Хаџипанзова” добива канализација

Рејтинг на корисник:  / 8

Течат градежните активности за изградба на примарна фекална канализација на ул. “Румена Хаџипанзова” во населбата Драчево.

Повеќе: Ул. “Румена Хаџипанзова” добива канализација

Интервју за весникот "Вечер" на градоначалникот Билјана Беличанец-Алексиќ

Рејтинг на корисник:  / 13

Кисела Вода прерасна во модерна општина која се води од желбите и потребите на граѓаните

Урбанизацијата на општина Кисела Вода е императив за градоначалничката Билјана Беличанец,која граѓаните и понатаму ја нарекуваат Хурем Султан според популарната турска серија каде што како актерка по професија го позајми својот глас. Благодарение на нејзиниот ентузијазам со кој пред една година ја прими оваа тешка и одговорна функција, секојдневните контакти со граѓаните, упорноста на градската администрација и поддршката од Советот, таа за краток период успеа да го смени ликот на општината. Се изградија и се градат нови сообраќајници, се реконструираат старите, се обновува инфраструктурата, се вложува во образованието, во екологијата, во културата...

Повеќе: Интервју за весникот "Вечер" на градоначалникот Билјана Беличанец-Алексиќ

“Здрави навики-здраво бебе” во општина Кисела Вода

Рејтинг на корисник:  / 1

Одделението за предучилишно воспитување на општина Кисела Вода организира серијал на стручни предавања на тема  “Здрави навики-здраво бебе”.  Првото е закажано за денес, во периодот од  17 часот до 18 часот и 30 минути во објектот Пеперутка 1, при  ЈДГ “ 8 Март”.

За стекнувањето на здрави навики при одгледувањето на децата од нивната најрана возраст кои ќе овозможат нивен правилен раст и развој, ќе говори д-р специјалист педијатар Валентина Стевиќ од  Детската клиника Козле . На работилницата учество ќе можат да земат родителите и негователите од  ЈДГ ” 8 Март” кои ќе имаат можност да се информираат и советуваат околу исхраната, имунолошкиот статус , правилниот избор на музика и играчки во правилниот развој на детето и сите други прашања кои ги засегаат. Предавањата се бесплатни и се организирани со следниот распоред:

06.03.2014 (четврток),  објект Пржино,  ЈДГ ” 8 Март”

11.03.2014 (вторник), објект Сончоглед,  ЈДГ ” Весели Цветови”

14.03.2014 (петок), објект Синоличка, ЈДГ ” Весели Цветови”, сите во период од 17часот до 18:30 часот

Технички превид во член 89, врзан со одгледувањето миленици-истиот ќе се отстрани!

Рејтинг на корисник:  / 5

Ве известуваме дека е направен технички превид во врска со делот од член 89 од одлуката за комунален ред на Советот на Општина Кисела Вода во врска со одгледувањето на домашните миленици во колективните згради. Дека се работи за превид, говори и фактот што досега на територија на општина Кисела Вода не е постапено по ниту еден случај, односно не е изречена ниту една казна согласно овој член од одлуката. Превидот ќе биде исправен на првата следна седница на Советот на општината, а дотогаш општинските инспектори нема да постапуваат по него.